Ne baze te statistikave te mbledhura nga Rrjeti Internacional i Shoqatave Studentore Shqiptare “Albstudent”, vetem 28% e tyre mendojne te rikthehen ne Shqiperi pas studimeve. Ky fenomen perben edhe nje nder shkaqet e gjendjes aktuale te vendit. Rikthimi masiv dhe aplikimi i dijeve te tyre ne vendin e origjines, do t’i jepte padyshim nje shtyse te jashtezakonshme zhvillimit ekonomik, politik e social ne Shqiperi, si dhe futjes se nje mentaliteti te ri, perendimor ne shoqerine shqiptare.

Per kete arsye, Rrjeti Internacional i Shoqatave Studentore Shqiptare “Albstudent” organizon kete vit  me mbeshtetjen e Ambasades Gjermane ne Shqiperi ne kuader te Paktikt te Stabilitetit projektin “Kthim per nje te ardhme me te mire” (“Back for a Better Future”). Ky projekt organizohet pas suksesit te vitit te kaluar te projekteve “Praktika 2005” dhe workshop-it “Kthimi ne Shqiperi, nje sfide per te gjithe ata qe studiojne jashte”. Projekti i ketij viti, duke ndjekur vazhdimesine e vitit te kaluar, synon t’u jape mundesine me shume se 50 studenteve shqiptare qe studiojne jashte Shqiperise, te kryejne praktike nje apo disa mujore prane institucioneve shteterore e kompanive me te medha private ne vend. Kjo praktike do t’u sherbeje atyre per t’u njohur nga afer me realitetin e kushtet e punes ne Shqiperi, si dhe per krijimin e kontakteve me punedhenesit, qofte per nje rikthim te mundshem pas perfundimit te studimeve qofte dhe per te vene lidhje e baza te shendosha bashkepunimi ne rast punesimi e jetese jashte Atdheut. Gjithashtu nje nga synimet paresore te ketij projekti eshte dhe terheqja e vemendjes se firmave e kompanive shqiptare ndaj studenteve jashte e potencialit qe ata paraqesin.

Per kete iniciative duhen falenderuar edhe institucionet shteterore e kompanite private per mbeshtetjen dhe gatishmerine e ofruar per zhvillimin e. ketij projekti. Vlen te theksohet se ky eshte nje fakt tjeter qe tregon mundesite e medha per kthim te studenteve shqiptare ne Shqiperi pas mbarimit te studimeve.

Per cdo informacion te metejshem mund te vizitoni faqet e internetit www.praktika-online.com dhe www.albstudent.net.

Stafi i Projektit.