Aplikimi për një vend praktike është i mundur vetëm duke plotësuar formularin online nën rubrikën apliko online. Perveç fushës “të tjera” të gjitha fushat janë të detyrueshme. Pas plotësimit korrekt dhe dërgimit të formularit online nga ju, do të shfaqet një mesazh për të konfirmuar marrjen e tij nga ana jonë. Në rast të kundërt do t'ju shfaqet një mesazh për t'i plotësuar fushat edhe një herë në mënyrë korrekte.

Përshkrimi i çdo praktike nga institucionet ose firmat përfshin dhe numrin e orëve në javë, kohëzgjatjen si dhe datën e fillimit të praktikës. Në rast mospërshtatjeje qoftë dhe të njërit prej këtyre komponentëve nga ana juaj, ju vetë mund të zgjidhni tek formulari shumën e orëve që mund të punoni në javë, kohën kur mund të filloni si dhe kohëzgjatjen e praktikës. Sqarimet përkatëse në lidhje me këto ndryshime duhet të bëhen dhe tek fusha “të tjera”.

Në rast pyetjesh nga ana jonë atëherë do t'ju kontaktojmë gjithashtu me anë te e-mailit ose numrave të telefonit që keni dhënë. Për këtë arësye do t'ju luteshim që këto të dhëna të jënë të sakta dhe aktuale.

Tek përshkrimi i çdo praktike do të gjeni gjithashtu informacione mbi afatin e aplikimeve. Aplikimet që do të bëhen mbas atij afati nuk do të merren parasysh. Disa ditë mbas mbylljes së afatit të aplikimeve për një praktikë të caktuar do të njoftoheni me telefon ose email mbi marrjen ose jo të vendit të praktikës.

Është me rëndësi të përmendim që përzgjedhja e aplikantëve fitues do të bëhet nga vetë firma/institucioni që ofron praktikën.

Të gjithë aplikantëve fitues do t'ju kërkohet të vërtetojnë me anë të paraqitjes së dokumentave të dhënat e plotësuara gjatë aplikimit online. Për këtë arësye do t'ju luteshim të jepni të dhëna të sakta, të cilat mund t'i vërtetoni me anë dokumentash. Gjithsesi në çdo rast do t'ju kërkohet të paraqisni vërtetimin që jeni student (student identity card) si dhe dokumenta ku bëhet e qartë dega, numri i semestrit (ose i vitit) në të cilin ndodheni dhe universiteti.

Të gjithë praktikantët do të pajisen pas mbarimit të praktikës me një çertifikatë nga institucioni/firma ku ata kanë qenë të inkuadruar.

Në rast pyetjesh nga ana juaj mund të kontaktoni stafin organizues të praktika-online.com nëpërmjet rubrikës kontakt.

Apliko tani!